ШҚО-да COVID-19 вирусын жұқтырған бесінші адам туралы облыстық денсаулық сақтау басқармасының басшысы Ілияс Мұхамеджан айтты.

"Вирус жұқтырған адам 2006 жылғы Семей қаласының тұрғыны. Анамнезден анықталғаны: 30.03.2020 жылдан бастап ауырған. Құрғақ жөтел, дене қызуының 38°С дейін көтеріліп, жалпы әлсіздік болған. 03.04.2020 жылы рентгенографиялық тексеру жүргізілді. Қорытынды: сол жақты жоғарғы бөлікті инфильтративті пневмония. Бактерияға қарсы ем тағайындалды", - деді ол.
⠀
Ол 4 сәуір күні пневмониямен ауыратын науқастарға мониторинг жүргізу жағдайы бойынша COVID-19-дан тексеруден өткен. Нәтижесі оң, яғни вирус анықталды. Алгоритмді сақтай отырып, мамандандырылған стационарға ауыстырылды.
⠀
"Эпиданамнез бойынша науқас және оның жақын туыстары облыстан тыс жерлерге бармаған, басқа елдерде болмаған. Демалысқа шыққаннан кейін 13 наурыздан бастап үйден шықпаған. Жағдайы ауырлығы орташа дәрежеде. Ақыл-ойы айқын, дене қызуының жоғарылауы байқалады", - дейді басқарма басшысы.
⠀
Айтуынша, эпидемиологиялық тексеру нәтижелері бойынша онымен байланыста болған 51 адам анықталды. Олар толық оқшауланды.
⠀
"Тұрғылықты жері бойынша дезинфекция жүргізілді. Іс-шаралар жалғасуда, қосымша ақпарат ұсынылады", - дейді І.Мұхамеджан.