Үш тілде еркін сөйлейтін семейлік бойжеткен Республикалық олимпиадада бірінші орынды жеңіп алды, деп хабарлайды Алтайньюс тілшісі.

Шымкент қаласындағы Шайсұлтан Шаяхметов атындағы «Тіл-Қазына» ұлттық ғылыми-практикалық орталығында үш тілді еркін меңгерген жастар арасында республикалық «Тілдарын» олимпиадасы өтті. Іс-шараға еліміздің түкпір-түкпірінен келген 18-22 жас аралығындағы студенттер қатысты. Облыс намысын қорғауға аттанған КазГЮИУ-дің 3-курс студенті Лаура Байтілеуова Республикалық олимпиадада 1-орынды жеңіп алды. Семейлік бойжеткен арнайы диплом мен 120 000 теңгелік сертификатқа ие болды.