Семейде жолдың қақ ортасында көлік өртеніп кетті, деп хабарлайды Алтайньюс тілшісі.

Оқыс оқиға 5 тамыз күні Абай даңғылында болған. Жол ортасында «Toyota RAV4» маркалы көліктің түгі қалмай жанып кеткен. Өртті сөндіруге 4 маман және 1 өрт сөндіру техникасы жұмылдырылды.

Айтпақшы, дәл осындай жағдай Өскеменде де қайталанды. 5 тамызда Потанин көшесіндегі көп пәтерлі тұрғын үйлердің ауласында тағы бір «Toyota RAV4» жанып кеткен. Әзірше өрттің шығу себептері анықталуда.