Семейдің жеке кәсіпкері айлар бойы қоқыстарын орманға төгіп жүрген, деп хабарлайды Алтайньюс тілшісі.

Естеріңізге сала кетсек, осыдан біраз уақыт бұрын Семей әкімі Ермак Сәлімовтың сенбілік кезінде бірқатар мәселелердің басын ашқанын жазған едік. Солардың бірі - «Түйемойнақ» аралындағы кәуәпхана мәселесі.

Қақпағы ашылмайтын қоқыс жәшігін дәмхана иелері талап солай болғандықтан қойған екен. Алайда қоқыс шығару қызметіне ақша төлемеу үшін олар қалдықтарды орманға лақтырып жүріпті.