Облыс әкімі Даниал Ахметов көпбалалы аналар комиссиясымен кеңес өткізді, деп хабарлайды Алтайньюс тілшісі.

Ең алдымен 12 жастан 18 жасқа дейінгі балаларды Pfizer препаратымен вакцинациялау туралы сөз қозғалды.

– Бірінші компонентпен балалардың жүз пайызы, екіншісімен 99 пайызы егілді. Маусым айының соңына дейін вакцинация аяқталады, – деді әкім.

Ал жазғы демалысқа келетін болсақ, көп балалы және аз қамтылған отбасылардан шыққан 44 мың бала қамтылған.

– Жазғы демалыста барлығы 35 қала сыртындағы және 475 мектеп жанындағы лагерь жұмыс істейтін болады. Және 500-ге жуық алаң, тілдік мектептер,it-бағыттар және т. б. Сонымен қатар, біздің өңір жалпыға міндетті оқытуды ұйымдастыруға елдегі ең үлкен қаржыландыруды бөліп отыр, – деді аймақ басшысы.