Бүгін, 21 Наурыз – «Ұлттық тағамдар күні». Қазақтың ұлттық асханасында халықтың жаны, оның тарихы, салт-дәстүрлері айнадағыдай көрініс тапқан. Ол ұтымдылық, экологиялық тазалық және пайдалылық сияқты үш қасиетпен ерекшеленеді.

Әрбір тағам –қақаған аязды қысы және шуақты, кейде адам төзгісіз ыстық әрі құрғақ жазы бар көшпелілердің даладағы қиын өмірге бейімделуіне көмектескен ежелгі тәжірибенің жемісі екенін есте ұстаған жөн.

Ұлттық тағамдар күні әр үйде ет, қуырдақ, бауырсақ, құрт, сүзбе, ірімшік, қымыз, шұбат, айран сияқты ұлттық тағамдар әзірленеді. Көктем мен жаңару мерекесінің басты тағамы – Наурыз көже. Сонымен қатар ұмыт болып бара жатқан кейбір тамақ түрлері дәл осы күні жаңғыруы қажет.