20 сәуір күні ШҚО сыбайлас жемқорлыққа қарсы қызмет басшысының бірінші орынбасары Талғат Башевтың қатысуымен «Атамекен» өңірлік кәсіпкерлер палатасы жанындағы кәсіпкерлердің құқықтарын қорғау және Сыбайлас жемқорлыққа қарсы іс-қимыл жөніндегі кеңестің отырысы өтті.

Отырыс барысында стационарлық емес сауда объектілері үшін бірыңғай сәулеттік келбеттің болмауы Өскемен қаласының кәсіпкерлік субъектілері үшін әкімшілік кедергі туындатып жатқандығы және жер қатынастары саласындағы проблемалық мәселелер қаралды, деп хабарлайды Altaynews тілшісі.

Талғат Башев кәсіпкерлердің құқықтарын қорғауға бағытталған «Бизнес жол» жобасының іске асырылу барысы туралы баяндама жасады.

Жоба басталғаннан бері 228 кәсіпкердің құқықтары қорғалды.

Заңнаманы түсіндіру бойынша түсіндіру жұмыстарына да көп көңіл бөлінуде. Жобаны іске асыра бастағаннан бері 423 кәсіпкердің қатысуымен 39 кездесу өткізіліп, 37 өтініш қарауға қабылданған.

Кәсіпкерлердің күнделікті қалыпты қызметіне кедергі келтіретін нақты проблемалық мәселелерді шешуге ерекше назар аударылуда.