ШҚО-да жыл басынан бері екпеден бас тартқан 78 факті тіркелді.

Ағымдағы жылы өңірде былтырғы кезеңмен салыстырғанда вакцинадан бас тартқандар 3 есе артқан, деп хабарлайды Altaynews тілшісі.

Бұл туралы Өңірлік коммуникациялар қызметінде өткен баспасөз брифингінде Санитариялық-эпидемиологиялық бақылау департаменті басшысының орынбасары Сәуле Слямғазина айтты, деп хабарлайды Altaynews тілшісі.

Оның айтуынша, вакцинадан бас тартудың салдары түрлі аурулардың таралуына әкеп соғуы мүмкін. Сонымен қатар брифинг барысында спикер ағымдағы жылдың I тоқсанында облыс тұрғындарын иммундау қорытындысын шығарды.

Биыл А-2 вирусты гепатитіне қарсы 1681 бала, кене энцефалитіне қарсы 6874 адам екпе салдырған.

Ал облыстың бас штаттан тыс иммунологы Иван Мещеряков вакцинация облыстың 25 емханасында жүргізіліп жатқанын атап өтті.