ШҚО тұрғындары полицейлерден кеңес ала алады
ШҚО полицейлері 14-15 шілде күндері "Жолда қабылдау" акциясын өткізеді.
"Жолда қабылдау" профилактикалық іс-шарасы жұртшылыққа жол қозғалысы қауіпсіздігін қамтамасыз ету және көші-қон заңнамасын сақтау саласында консультативтік және құқықтық көмек алуға мүмкіндік береді, деп хабарлайды Altaynews тілшісі.
"14 және 15 шілдеде облыс аумағында республикалық акцияның кезекті кезеңін өткізу жоспарланған. Әдетте, халықпен диалог жол қауіпсіздігі бойынша азаматтарды толғандыратын проблемалық мәселелерді талқылау түрінде жүргізіледі. Кеңес алу үшін облыс тұрғындары мен қонақтары сағат 11:00-де Instagram әлеуметтік желісі (@eastkazpolice) арқылы өтетін тікелей эфирге қатыса алады", дейді ШҚО ПД баспасөз қызметі.
Сонымен қатар мобильді топтар офлайн қабылдауды жүзеге асырады.
Ағымдағы жылдың 14 шілдесі:
1. Өскемен қ. ПБ азаматтарға арналған қабылдау бөлмесі, Қабанбай батыр к-сі, 152;
2. Өскемен қаласының №1 бөлімінің халыққа қызмет көрсету жөніндегі мамандандырылған секторы (мамандандырылған ХҚКО), Абай даңғылы, 203/3.
15 шілде:
Өскемен қ. ПБ азаматтарға арналған қабылдау бөлмесі, Қабанбай батыр к-сі, 152.
Оқи отырыңыз
