ШҚО-да «Қарызсыз қоғам» жобасы аясында 450-ден астам адам қаржылық сауатталығын арттырды.  Жыл соңына дейін облыс бойынша 6500-ге жуық тұрғынды тегін оқыту жоспарланып отыр.

Алғашқылардың бірі болып өз біліктілігін арттырған өңір тұрғындарына "АMANAT" партиясының ШҚО филиалының басшысы Сайрангүл Жұмаділова арнайы сертификат тапсырды, деп хабарлайды Altainews.kz тілшісі.

Курсқа қатысушылар бір айға жуық уақытта жалпы бағдарлама бойынша білімдерін арттырып, мамандардан қолданыстағы қаржы құралдары, бағдарламалар, несиелер мен гранттар туралы кеңес алды.

Ұйымдастырушылардың айтуынша, қатысушылар үшін арнайы сайт құрылған. Ол жерден курсты аяқтағаннан кейін де мазалаған сұрақтарына жауап алып, қажетті ақпараттармен танысуға болады.

Фото: Аяужан Утеулинова