Серебрянск-Өскемен қалаларының арасында жолаушы тасымалдайтын таксистер клиентке таласып, төбелесті. Мұның соңы соттасуға дейін әкелді, деп хабарлайды Алтайньюс тілшісі.

Оқиға былай өрбіген екен. Серебрянск қаласында жолаушы жинап тұрған екі таксистің арасында дау туып, соңы төбелеске ұласады. Біреуі екіншісіне бет тұсынан бірнеше рет соққы жасаған. Зардап шеккен таксист сотқа шағымданды.

Дегенмен, жолаушыны бөлісе алмаған қос таксист бұл  дауды бейбіт келісіммен шешіпті.

Соттың істі қарауы барысында арызданушы даудың медиатор көмегімен шешілгенін және жәбірлеуші тараппен татуласқанын хабарлаған. Әкімшілік іс тараптардың татуласуына байланысты тоқтатылған екен.