Қазақстанның мемлекеттік елтаңбасы өзгереді
2018 жылдың 1 қарашасынан бастап елімізде мемлекеттік елтаңбаның жаңартылған нұсқасы енгізіледі, деп хабарлайды Алтайньюс тілшісі.
Бұл туралы Инвестиция және даму министрлігі мәлімдеді. Ведомство мәліметіне сүйенсек, елтаңбадағы «Қазақстан» сөзі латын графикасымен жазылатын болады.
– 2018 жылдың 12 қыркүйегінде ғылыми-техникалық комиссия елтаңбаға өзгерту енгізуге байланысты шешімді мақұлдады. Енді мемлекеттік елтаңбадағы «Қазақстан» сөзін, латын графикасымен «Qazaqstan» деп жазатын боламыз, – делінген министрлік хабарламасында.
Бұрынғы елтаңбаларды жаңасымен ауыстыру мерзімін Мәдениет және спорт министрлігі анықтайды.