Футболдан бірінші лига командалары арасындағы ел чемпионатының жетінші турында өз алаңында «Тараз» командасын қабылдаған семейлік «Алтай» қарсылас қақпасының кілтін таба алмай, 0:0 есебімен тең тарқасуға мәжбүр болды.

Бұл ойынның алдында ғана екі ірі жеңіске («Байқоңырды» 3:0, ал «Каспийді» 4:0 есебімен ұтты) қол жеткізген алтайлықтардың бұл жолы «Тараздың» тас қамал қорғанысын бұзуға шамалары жетпеді. «Алтай» футболшыларына тіптен қарсылас сапынан екі ойыншының қуылуы да сеп бола алмады.

Осы ойыннан кейін 13 ұпайға ие болған алтайлықтар турнир кестесіндегі үшінші орынын сақтап қалды.

Келесі кездесуін жерлестеріміз 12 мамыр, сенбі күні қонақта «Екібастұз» командасына қарсы өткізеді.