Семей қаласындағы Невзоровтар отбасының мұражайында «Картиналар қалай емдейді?» атты мәдени сенбілік ұйымдастырылды, деп хабарлайды Аltaynews.kz тілшісі мұражайдың баспасөз қызметінің мәліметіне сілтеме жасап.
Бұл шара болашақта өз пәнінен білім берумен ғана шектеліп қоймай, оқушыларды кәсіби бейімдеу мәселерерімен айналысқысы келетін болашақ суретші мұғалімдердің үлкен қызығушылығын тудырды.
Суретші- реставратор О.О Рубинчиктің сервис колледжі студентерімен кездесуі қызықты әңгіме, пікір талас ретінде өтті. Оқытушы А.П.Борзуновпен бірге студенттер мұражайдың реставрациялық шеберханасымен танысты.
Кездесу соңында студенттер алматылық суретшілердің «АртСапар» атты көрмесін тамашалады.