Қазақстан Республикасы Ішкі істер министрлігінің ақпараттық-насихат топ өкілдері Семей ядролық полигоны құрбандарының рухына тағзым етіп, «Өлімнен де күшті» монументіне гүл шоқтарын қойды , деп хабарлайды Аltaynews.kz тілшісі Семей қалалық ішкі саясат бөлімінің ақпаратына сілтеме жасап.

Монумент орналасқан Полковничий аралындағы архитектуралық нысандарды тамашалап, «Бейбітшілік мұражайының» құрылыс барысымен танысты.

Кейін ақпараттық-насихат тобының құрамындағы ІІМ Мәдени орталығының шығармашылық ұжымдары мен Ішкі әскерлер ән - би ансамблі қалалық мәдениет сарайында әскери қызметшілерге концерттік бағдарламаларын тарту етті.