Зырян қаласында жеке меншік үйде шыққан өрттің салдарынан 78 жастағы қария ауыр халде ауруханаға түсіп қалды , деп хабарлайды Аltaynews.kz тілшісі облыстық ТЖД-нің баспасөз қызметінің мәліметіне сілтеме жасап.
Құтқарушылардың айтуынша, жеке меншік үйдің ағаш құрандылары мен жақтаулары, верандасы тілсіз жаудың құшағына ораныпты.
Мамандар үйді тексеру кезінде қолдары, жауырыны мен жамбастары 1-2-3а дәрежелі күйікке шалдыққан, 1935 жыл туған азаматты алып шықты.
Зардап шегушінің денесінің 40 пайызы күйіп қалған. Қария өте ауыр халде Зыряндағы орталық ауруханаға жеткізілді.