Семейде 350 балуан белдескен «Қазақстан барысы» республикалық турниріне іріктеу сайысы өтті, деп хабарлайды Altaynews.kz тілшісі.

Естеріңізге сала кетейік, бұған дейін 16 округте алғашқы іріктеу туры өтіп, осы сайыста озып шыққандар өзара мықтыны анықтау үшін Семейге жиналған. Іріктеу нәтижесінде үздік шыққан 30 спортшы облыстық кезеңге жолдама алады.

Кейінгі өткен «Қазақстан барысының» қола жүлдегері, жерлесіміз Айбек Нұғымаровтың айтуынша, қазақ күресінен Шығыстың балуандары өте мықты.
Осындай спорт түрі біздің еліміздің мәртебесін асқақтатып, ұлттық рухымызды көтеретіндіктен қазақ күресінен ел чемпионатын жиі ұйымдастыру керек.