Семейде таэквандо жекпе-жегі бойынша қала біріншілігі өтті. Жүлделік қоры бар байрақты бәсеке үздік таэквондошыларының басын қосты, деп хабарлайды Altaynews.kz тілшісі Семей қалалық ішкі саясат бөлімінің ақпаратына сүйеніп.
Олардың ішінде республикалық жарыстардың бірнеше дүркін жүлдегерлері, Әлем чемпиондары да бар. Сайыстарға таэквондо бойынша бас төреші М.С. Советхан төрелік етті.
Биыл өткізіліп отырған сайыста Өскемен, Курчатов қалаларынан, Көкпекті, Бесқарағай, Бородулиха, Абай аудандарынан, қала жоғары оқу орындарында білім алатын моңғолиялық спортшылар және қаламыздың командаларынан жиналған 200 - ге жуық спортшы бақ сынасты.
Жарыстың қорытындысы бойынша әр салмақ бойынша мықты ойын көрсеткен жеңімпаздарға Семей қаласынын дене шынықтыру және спорт бөлімінен медальдар, ақшалай сыйлық пен мақтау қағаздары табыс етілді.
