Киокушинай-Каратэден Аякөзде жалауын көтерген республикалық жарыс екі күнге созылды. Бәсеке көрін қыздырған жарысқа Астана,Алматыдан басқа еліміздің 8 командасы сынға түсті. 33 салмақ дәрежесі бойынша 6 мен 30 жас аралығындағы спортшылар белдесіп, кім мықтыны анықтады, деп хабарлайды Аltaynews.kz тілшісі.
Барлық салмақ дәрежесі бойынша Аякөздіктер қарсылас шақ келтірмеді. Жеке салмақтар бойынша мамандар назарына айырықша іліккен Дәурен Ахметқалиев пен Данияр Қалиевтерден зор үміт күтсе, Алматылық Азамат Жанбосыновтың да аяқ алысы жаман емес екен. Жалпы командалық есепте Аякөз бас жүлдені қанжығасына байласа, Алматы екінші, Астана үшінші орынды қанағат тұтты.