– Көкпекті ауданындағы 2006 жылы қазан айында берілген 36 пәтерлі Южная көшесіндегі 5-үй қызметтік пе, арендалық па? Мұнда тұрып жатқан тұрғындар қыс айларында бір бөлмелі пәтерге – 15 – 17 мыңнан, екі бөлмелі пәтерге 20 – 25 мың теңгеден пәтерақы төлейді. Бұл жалғызбасты жас маманның жалақысының 50 – 80 пайызы пәтерақыға жұмсалады деген сөз. Осы үйдегі пәтерлерді жекеменшікке қанша жылдан кейін ауыстыруға болады?
Южная көшесі, 5-үйдің тұрғындары
Сауалға Көкпекті ауданы әкімінің орынбасары К.Смаилова жауап береді:
– Южная көшесі, 5-үйдің 36 пәтерлі тұрғын үй мемлекеттік тұрғын үй қорының баспанасы болып саналады. Үй тұрғындары коммуналдық төлемдерді кәсіп-орын басшысы бекіткен тарифке сәйкес төлейді.
Бір бөлмелі пәтердің орташа пәтерақысы қыс кезінде – 1800 теңге, жаз мезгілінде – 900 теңге. Екі бөлмелі пәтер құны қыс кезінде – 3000, жаз кезінде – 1500 теңгені құрайды. Бір бөлмелі пәтердің орташа жылу беру ақысы қыс кезінде – 7970 теңге, екі бөлмелі пәтердің ақысы – 13250 теңге. Суға төлемақы су есептеуіш құралдары көрсеткіші бойынша есептеледі. Ал қоқысқа кә-сіпорын басшысы бекіткен тариф бойынша бір адамға – 80 теңге, электр қуаты әр пәтердің есептеуіш құралдары арқылы есептеледі.
ҚР-ның 1997 жылғы 16-сәуірдегі «Тұрғын үй қатынастары туралы» Заңының 109-бабының 2-тармағына сәйкес мемле-кеттік мекемелердің қызмет-керлері, егер олар мемлекеттік кәсіпорындарда (сайланбалы қызметте болу мерзімін қоса алғанда) кемінде он жыл жұмыс істесе, сондай-ақ, егер еңбек қатынастары мынандай негіздер бойынша:
1) ұйымның таратылуы, қызметкерлер санының немесе штатының қысқартылуы бойынша;
2) одан әрі жұмыс істеуге кедергі келтіретін сырқатына байланысты,
3) зейнеткерлікке шығуына байланысты тоқтатылса, жұмыс істеген мерзіміне қарамастан, өздері тұратын қызметтік тұрғын үйлерді қалдық құны бойынша жекешелендіре алады.