Өскемендік «Алтай» волейбол клубының ерлер командасы Атырау қаласында өткен ел кубогі үшін жарысты сәтсіз аяқтады.

Өткен аптаның басында басталған дода барысында жерлестеріміз бес кездесу өткізіп, оның үшеуінде қарсыластарына жол берді. Алдымен топтық кезеңде «Тараз» (3:2, партиялардағы есеп 25:23, 25:12, 20:25, 18:25, 15:11) бен петропавлдық «Есіл СК» командаларын (3:2, 25:17, 20:25, 14:25, 25:22, 15:13) ұтқан Марат Иманғалиев шәкірттері артынша үш жеңіліс тауып, үздік үштіктен тыс қалды.

Алдымен топтық кезеңде «Атыраудан» 0:3 (22:25, 17:25, 21:25) жеңілген өскемендіктер одан кейін ширекфиналда ақтаулық «Маңғыстаудан» да айласын асыра алмай қойды. Есеп 2:3 (22:25, 22:25, 27:25, 28:26, 16:18). Ал 5-8 орындар үшін айқаста алтайлықтар «Таразға» есе жіберді. Қорытынды есеп 1:3 (15:25, 25:20, 24:26, 27:29).

Енді жерлестеріміз ел біріншілігіне дайындықтарын бастайды.