Өскеменде облыстың қалалары мен аудандарынан келген белсенді еріктілердің қатысуымен оқыту семинары өтті. 

Семинардың мақсаты - республикадан берілетін шағын гранттарды түсіндіру, төтенше жағдай кезіндегі медициналық көмек көрсету, алаяқтық және жыныстық сауаттылық туралы оқыту. Спикерлер бұған дейін Қостанай, Солтүстік және Оңтүстік Қазақстан облыстарында, Павлодар, Екібастұз, Семей қалаларында болып, бүгін Шығыс Қазақстанға келіп отыр, деп хабарлайды Altainews.kz тілшісі.
Семинарда талқыланған тақырыптардың бірі - алаяқтық. Қазіргі таңда республикамызда алаяқтарға алданып жатқан азаматтар өте көп. Өңірімізге ат басын тіреген «Алаяқтық» жобасының жетекшісі азаматтардың болашақта алданбауы үшін қаржылық және құқықтық имунитет қалыптастыру мақсатында қарапайым тілде тегін тренингтер өткізіп жүр екен. Бұл жобаның негізгі мақсаты – халық арасында, соның ішінде жастар арасындағы қаржылық сауаттылықты арттыру.

Айта кетсек,  «Мошенники» сериалының эпизодтары осы «Alayaq.net-ке» жүгінген қарапайым адамдардың басынан өткен оқиғалардың желісімен түсірілген.
Қазіргі таңда ұятқа балаған дүниенің барлығы - қоғамның бас ауыртар мәселесі. Сондай проблемалардың бірі – жыныстық сауаттылық. Осы мәселеге қатысты «Cаулық life» жобасы жүзеге асырылып жатыр. 

Бұл жоба 2023 жылы бес облысты қамтыса, осы жылы Шығыс өңірін қамтып отыр.