Қара қабылан бір ғасырдан кейін алғаш рет фототұзаққа түсті
Уилл Беррар-Лукас атты фотограф Кенияда пантераның өте сирек кездесетін түрі – қара қабыланды суретке түсіріп алды, деп хабарлайды BBC басылымы.
Фотограф кішкентай кезінен бері леопардтың осы түрін көруді армандаған көрінеді. Кейін Кенияның Лайкипиа графтығында қара қабылан бар екенін білген Беррар-Лукас, Сан-Диего зоопаркінің ғалымдарымен бірлесе отырып экспедицияға шыққан.
«Бірнеше жерге камера орнатып кеткен фотограф қайтып келгенде қара леопардтың суретін көріп, қатты таңғалыпты», - деп жазады басылым.
Айта кету керек, қабыланның қара болуы өте сирек кездесетін генетикалық мутацияға жатады. Ең соңғы рет қара қаблан 1909 жылы суретке түсірілген.