2021 жылғы 21 қыркүйектегі жағдай бойынша Шығыс Қазақстан облысында «ASHYQ» жобасы бойынша 8459 субъект бар, оның ішінде ресми қатысушылар – 8071, тестілеу объектілері – 388.

Сондай-ақ, 71 объектіде шектеу шараларының бұзылғандығы анықталды.

- 21 қыркүйектегі жағдай бойынша «Ashyq» жобасына қатысатын объектілерде «қызыл» және «сары» статусы бар 3516 тұлғаның келгені тіркелді. «Қызыл» статусы бар тұлғалар – 1386 адам, «сары» статусы барлар – 2130 адам. «Сары» статусы бар анықталған тұлғаларға қатысты санитариялық-эпидемияға қарсы және санитариялық-профилактикалық іс-шаралар жүргізу туралы 1906 қаулы шығарылды, - деп хабарлайды ШҚО  санитариялық-эпидемиологиялық бақылау департаментінің баспасөз қызметі.

Сонымен қаьар, «қызыл» статусы бар 77 адамға қатысты әкімшілік шаралар қабылданды. ҚР ӘҚБтК-нің 425-бабының 1-бөлігіне сәйкес қарау нәтижелері бойынша жоғарыда аталған тұлғаларға қатысты 3 млн.теңгеден астам сомаға айыппұл салынды.

Айта кетейік, соңғы деректер бойынша «Ashyq көшбасшылары» статусын беру алгоритміне сәйкес Қазақстан Республикасының Бас мемлекеттік санитариялық дәрігерінің 2021 жылғы 26 тамыздағы №37 қаулысымен, сондай-ақ Қазақстан Республикасы цифрлық даму және аэроғарыш өнеркәсібі министрлігінің жүктемесінің негізінде ағымдағы жылы «Ashyq» жобасының 217 қатысушысы көшбасшы болып танылды.