Батырлар өнегесі мен жастарға патриоттық тәрбие
Өскемен қаласының № 46 орта мектебі мен 99230 әскери бөлімі арасында жасалған ынтымақтастық туралы меморандум аясында әскери бөлім өкілдері 10-11 сынып оқушыларына ерлік сабағын өткізді,- деп хабарлайды Altainews.kz тілшісі.
Ерлік сабағы Ұлы Отан соғысының батыры, Рейхстагқа жеңіс туын тіккен алғашқы жауынгер Рахымжан Қошқарбаевтың 100 жылдығына арналды.
Әскери қызметшілер оқушыларға Рахымжан Қошқарбаевтың өмірі мен ерлігі туралы баяндап, 1945 жылы сәуірде Рахымжан өз өмірін қатерге тігіп, Рейхстагты басып алу үшін жүргізген күресін қамтитын оқиғаларға ерекше назар аударды.
«Рахымжан Қошқарбаев сияқты батырларды еске алу және әскерилермен кездесулер өткізіп отыру жастарға өз елінің бейбітшілігі мен қадір-қасиетін сақтаудың маңыздылығын түсінуге көмектеседі. Мұндай сабақтар тек ақпараттандырып қана қоймай, оқушыларды тарихи тұлғалардың лайықты ізбасары болуға шабыттандырады. Әскерилердің білім беру процесіне етене араласуы, әсіресе Рахымжан Қошқарбаев сияқты батырдың шынайы мысалдары арқылы өз елін қорғаудың маңыздылығын түсінетін және оның тарихының бір бөлігі болуға ұмтылатын азаматтарды тәрбиелеуге мүмкіндік туғызады», - деп атап өтті взвод командирі аға лейтенант Алмас Рүстемов.
Мектеп пен әскери бөлім арасындағы бірлескен іс-шаралар жастарға әскерилердің Отанды қорғаудағы рөлін тереңірек түсінуге негіз болады.
Оқи отырыңыз
