Көмірге ұзын-сонар кезеңді қалыптастырмас үшін Өскеменде тағы бір көмір сату орны ашылды, деп хабарлайды Аltainews.kz  тілшісі.

Көмір алушылардың арасында дүрбелең туғызбай, барлық тұрғындарға көмір алудың жолын жеңілдету мақсатында Өскемен қаласындағы көмір сатумен айналысатын тағы бір теміржол тұйығы ашылды. Бұл тұйық Самар шоссесі 2а мекенжайында орналасқан. Ресми түрде ертең, 15 қазаннан бастап қыстың қамын қамдап жатқан тұрғындардың қаптарын қара көмірге толтыруға дайын.

Өскеменде халықты тұрақты көмірмен қамтамасыз етіп отырған 3 көмір сату орны бар. Олардың екеуі нарықтық (15 800тг) және әлеуметтік (15 300тг) бағадағы көмір сатса, біреуі көмірдің таңдаулы, ірі бөлшектелген түрін (20 800 тг)сатады. Ал жаңадан ашылған тұйық көмірді тек нарықтық бағада  (15800 тг) саудалайтын болады.

Ақерке Рағызбаева