Үлбі жағалауының бойындағы жол құрылысы келесі жылға қалды – Өскемен
Фото: Маргарита Малышева
Үлбі жағалауының бойында автожол және жағалау кешенін салуды бастау шешімі өткен жылы күзде қабылданды. Алайда жаз бойы жүргізілген жол жұмыстары қаржы жетпей қалуынан бітпей қалып, келесі жылға қалды.
Дерекке сүйенсек, құрылыс жұмыстарына қосымша 1,2 млрд теңге қажет, деп хабарлайды Altaynews тілшісі.
– Астана көшесінің жалғасындағы, Шәкәрім даңғылынан бастап Красин көшесіне дейінгі аумақтағы нысанның құрылысын бітіріп, қолданысқа береміз деп жоспарлаған едік. Мердігер компания жұмысты жоспарға сай, уақытылы істеп жатқан. Алайда қаражат жетіспеушілігіне және республикалық бюджеттен қаражат бөлінбеуіне байланысты тамыз айынан бастап жұмыс кешіктірілді. 1,2 млрд теңге әлі бөлінген жоқ. Абаттандыру жұмысы істелген жоқ, жолдың жоғары қабаты төселген жоқ. Сондықтан жобаны келесі жылы аяқтауды жоспарлап отырмыз. Келесі жылы қолайлы күн райы бастала салысымен жұмысты жалғастырамыз. Келесі жылы қала күнінде ашуды жоспарлап отырмыз. Қазір аталған жолмен жүруге тыйым салып отырмыз, ол әзірге қолданысқа берілген жоқ, – дейді Өскемен қалалық құрылыс бөлімінің басшысы Қайрат Танекенов.
Бүгінгі таңда нысанда инженерлік желі, жол салу жұмыстары біткен.
Мамыр айында қала әкімі Жақсылық Омар әлеуметтік желідегі парақшасында жұмыс шілде айында аяқталып, жол қозғалысы ашылатынын жазған еді. Аталған жол Абай даңғылы, Үлбі көпірі және Астана көшесіндегі көлік ағынын реттеу үшін салынады.
Оқи отырыңыз
Сәтпаев даңғылынан Самар тас жолына дейінгі жол құрылысы қашан аяқталады?Үлбі жағалауы бойындағы автожол құрылысы жалғасып жатыр – ӨскеменТаулы Үлбіде арқанды жолдың құрылысы аяқталуға жақынЖаңа көпірдің құрылысын аяқтауға 450 миллион теңге қаражат жетпей тұр«Абайлап жүріңіз!» – Өскеменде жаңа жол ашылды
