Дәрі-дәрмек дистрибьюторлар үшін үстеме бағаны көтеру қаралып жатыр
Фото: egemen.kz
Кепілдендірілген тегін медициналық көмек және міндетті әлеуметтік медициналық сақтандыру жүйелері аясында берілетін дәрі-дәрмекке бірыңғай дистрибьюторлар үшін үстеме бағаны көтеру жағы қаралып жатыр.
Үстеме баға жобасы өткен жылдың қорытындысы бойынша шығындарға негізделген, деп хабарлайды Altaynews Қазақпарат агенттігіне сілтеме жасап.
– Бүгін қарастырылып отырған үстеме баға жобасы өткен жылдың қорытындысы бойынша шығындарға негізделген. Шығындардың басым бөлігі логистикаға тиесілі. Бұл дегеніміз – дәрі-дәрмектер мен медициналық бұйымдарды тасымалдау, сақтау және тиеу-түсіру жұмыстары. Жоғарыда айтылған жайттар дистрибьютордың дәрі-дәрмектерді сатумен байланысты шығындарының 45%-ын құрайды. Үстеме бағаны арттырудың тағы бір факторы – экономикалық тиімділіктің көрсеткіші ретінде қызмет ететін бірыңғай тарату жүйесінің рентабельділігі, – деді СК Фармация ЖШС баспасөз хатшысы Әйгерім Смаилова.
Оның айтуынша, үстеме баға жобасын ашық талқылау бірыңғай дистрибьютор қызметі үшін маңызды.
– Дәрі-дәрмекпен уақтылы мен үздіксіз қамтамасыз ету негізгі стратегиялық міндет. Бізде пандемия (COVID-19) кезінде тәжірибе бар. Яғни кейбір дәрі-дәрмекке сұраныс артып, уақытша проблема туғызады. Дәрі-дәрмек пен медициналық бұйымдар аудандардың, елді мекендердің алыстығына қарамастан жыл бойы жеткізіледі, – дейді ол.
Оқи отырыңыз
