Оқушылар арасында «Қауіпсіздік мектебі-2023» жарысы өтті – ШҚО
Фото: gov.kz
ШҚО-да «Қауіпсіздік мектебі-2023» жарысы өтті. Аудандар мен қалалар атынан қатысқан 50 шақты оқушы алғашқы медициналық көмек көрсету, өрт сөндіру эстафетасы, техногендік апат кезіндегі іс-қимыл, өрт ошағында және үйінді астында қалған адамдарды құтқару сынды кезеңдер бойынша жарысты.
Сайысты ШҚО Білім басқармасы мен ТЖД мамандары бірлесе ұйымдастырған, деп хабарлайды Altaynews тілшісі.
Глубокое ауданындағы «Дарын» лагерінде өткен жарыста қатысушылар жер бедерін бағдарлап, өткелден өтіп, зардап шеккендерге көмек көрсетуді пысықтады.
– Нақты жағдайға барынша жақын жағдайда балалар қиын кезеңді еңсерді. Бұл біздің жарыстарды өткізудегі басты міндетіміз болды, - деп жазылған ШҚО ТЖД хабарламасында.
Қорытынды бойынша 1-орын Алтай ауданының командасына бұйырған. Жеңімпаздар 2024 жылы жазда өтетін республикалық жарысқа ШҚО атынан қатысады.
Оқи отырыңыз
