Қазір Өскеменде тұрғын үй кезегінде барлығы 14 мың адам тұр. Биыл облыс бойынша 325 көпбалалы және аз қамтылған отбасы, оның ішінде Өскемендегі 60 отбасы тұрғын үймен қамтамасыз етілді.

ШҚО әкімі Ермек Көшербаев қала әкімі Жақсылық Омарға халық кезектің қалай жүріп жатқанын көру үшін барлық кезекте тұрғандардың тізімін шығаруды тапсырды. Бұл ақпарат әртүрлі ресурстарда қол жетімді болуы керек, деп хабарлайды Altaynews.kz тілшісі.           

Сондай-ақ көпбалалы аналар мен жас мамандар баспана сатып алуы үшін құрылыс басқармасымен бірлесіп бағдарламаларды кеңейту бойынша жұмыс жүргізу қажеттігі айтылды.

Айта кетсек, Өскеменде коммерциялық негізде 61 көпқабатты үйдің құрылысы жалғасуда, оның үшеуі құрылыс салушылардың заңнаманы бұзуына байланысты проблемалы үйлер қатарында. Бір үй бойынша құрылыс мәселесі шешілді, ал қалған екеуіне қатысты сот процедуралары жүріп жатыр.

Айжанат Бақытқызы