Катонқарағай ауданының тұрғындары әлеуметтік желілерде көптен күткен қуанышты жаңалықпен бөлісті, деп хабарлайды Altaynews.kz сайты.

Бүгін Мемлекет басшысы Қасым-Жомарт Тоқаевтың Катонқарағай ауданының әкімшілік орталығын Үлкен Нарын ауылынан Катонқарағай ауылына көшіру туралы Жарлығы жарияланды.

Үлкен Нарын ауылы жаңадан құрылған Үлкен Нарын ауданының әкімшілік орталығы болады.

Жарлық 2024 жылғы 1 қаңтардан бастап қолданысқа енгізіледі.