Шығыс Қазақстан облысында облысішілік екі бағытта пойыз қатынайды: Өскемен-1 – Алтай және Өскемен-1 – Риддер.

Аталған аудандардың күрделі рельефіне, қар көшкініне және көктайғаққа байланысты қыс мезгілінде оларға сұраныс артады, деп хабарлайды Altainews.kz тілшісі.

ШҚО жолаушылар көлігі және автомобиль жолдары басқармасының ақпараты бойынша, бұл бағыттардың әлеуметтік маңыздылығын ескере отырып, жол жүру ақысын арзандату үшін субсидиялар көзделген.

Салалық басқарманың ақпараты бойынша, 2024 жылға арналған облысішілік теміржол маршруттарын субсидиялау көлемі 450 млн теңге.

Ағымдағы жылы аталған бағыттар бойынша жоспарланған жолаушылар айналымы жылына 100 мыңнан астам адамды құрайды.

2023 жылы облысішілік теміржол маршруттарын субсидиялау көлемі 442,8 млн теңгені, нақты жолаушылар айналымы – 96,2 мың адамды құраған болатын.

Айжанат Бақытқызы