Отбасылық зорлық-зомбылықтың алдын алу мақсатында ШҚО жұмыспен қамту және әлеуметтік бағдарламаларды үйлестіру басқармасының жанынан «Жанұя» отбасын қолдау орталығын ашу жұмыстары жүріп жатыр.

Оның қызметі өңірдің барлық аудандарын қамтитын болады, деп хабарлайды Altainews.kz тілшісі.

«Жанұя» отбасын қолдау орталығының мақсаты - зорлық-зомбылықтан зардап шеккен отбасыларға кешенді қолдау көрсетуде ведомстволар арасында өзара іс-әрекет жасау.

Қазір орталықтың құжаттары Әділет департаментінде тіркеліп, Өскемен қаласы, Сәтбаев даңғылы, 64 мекенжайы бойынша ғимарат бөлінді.

Тұрмыстық зорлық-зомбылықтың тамырына балта шабу үшін тек полиция ғана емес, білім, денсаулық сақтау және әлеуметтік қорғау салалары бірлесіп қимылдауы керек. Бұлбұл Балабекқызы қазіргі таңда ведомствоаралық жұмыстарды үйлестіру мәселелері шешілуде екенін айтты.