Шығыстың аудандары біртұтастықтың жарқын үлгісін көрсетуде. Зайсан мен Тарбағатай жаңадан құрылған Марқакөлге керуен алып жетті.

Қазақ халқы ежелден жапсарлас қонған жаңа көршіге дәм-тұз татқызып, ықылас-пейіл білдіретін болған. Облыс әкімінің бастамасымен жүзеге асып жатқан бұл игілікті шаруа байырғы дәстүрдің жаңғыруы деп түсінуге де болады. Оның үстіне Марқа өңірі биыл қатал қысты өткерді. Сондықтан меймандос жұрт кең пейіл көршілерді құшақ жая қарсы алды.