Тамыз айында Enbek.kz электрондық еңбек биржасында 131,8 мың бос жұмыс орны және 129 мың түйіндеме орналастырылды. Өткен аймен салыстырғанда бос орындар саны 26% - ға, ал түйіндемелер саны 3% - ға қысқарды, деп хабарлайды Altainews.kz тілшісі.

Сұраныстың айтарлықтай өсуі білім беру саласындағы жоғары білікті кадрларға түсті. Мұны жаңа оқу маусымының басталуымен байланыстыруға болады.

Жалпы және орта білім беру ұйымдарынан 15 мыңнан астам бос жұмыс орны орналастырылды.

• Математика мұғалімдері (3,3 мың бос жұмыс орны),
• тәрбиешілер (3 мың),
• бастауыш сынып мұғалімдері (2,3 мың),
• орыс тілі мен әдебиеті (2,2 мың бос жұмыс орны) сұранысқа ие мамандықтардың қатарына еніп отыр.

Сонымен қатар орта білікті мамандарға сұраныс 10%-ға өссе, біліктілігі жоқтар үшін бұл көрсеткіш 4%-ға қысқарған.

Тамыз айында жұмыс берушілер ең жоғары жалақыны бас құрылысшы лауазымына (255 бос жұмыс орны, 684,3 мың теңгеден бастап), қосымшаларды әзірлеушілерге (7 бос жұмыс орны, 670 мың теңгеден бастап) және қаржы директорларына (4 бос жұмыс орны, 660,7 мың теңгеден бастап) ұсынды.

Ең жоғары жалақыны қаржы директоры (1,1 млн теңгеден, 32 түйіндеме), IT-бөлімшелердің басшылары (1 млн теңге, 9 түйіндеме) және мұнай-газ секторының сорғы станциясының машинисі (975 мың теңгеден, 4 түйіндеме) сияқты лауазымға үміткерлер сұрады.