ШҚО тұрғыны 7 тоннадан астам балықты заңсыз тасымалдаған
Фото: ШҚО ПД баспасөз қызметі
Шығысқазақстандық тұрғын құны 50 миллион теңгені құрайтын 7 тоннадан астам балықты заңсыз тасымалдаған.
Тарбағатай аудандық полиция бөлімінің қызметкерлері Омбы - Майқапшағай тасжолын патрульдеу барысында облыс орталығының 31 жастағы тұрғыны тізгіндеген "Камазды" тоқтатты, деп хабарлайды Аltaynews тілшісі.
- Көлікті тексеру барысында ер адамның балық толтырылған 280-нен астам полиэтилен пакетті құжатсыз тасымалдағаны анықталды. Жүргізушінің айтуынша, ол жүкті Өскеменге ауылдардың бірінен тасымалдаған көрінеді. Күдіктінің салмағы 7 тоннадан асатын көксерке балысын заңсыз тасымалдағаны анықталды. Келтірілген шығын көлемі 50 миллион теңгені құрады, - дейді ШҚО ПД баспасөз қызметі.
Аталған факті бойынша ҚР Қылмыстық кодексінің 335-бабы 4-бөлігі бойынша (балық ресурстарын, басқа да су жануарларын немесе өсімдіктерін заңсыз өндіру) бойынша сотқа дейінгі тергеу амалдары жүргізілуде.
Оқи отырыңыз
