Бесқарағай ауданында шалғайдағы ауылдардың балаларына арналған интенат ашылады, деп хабарлайды Altaynews тілшісі.

Интернат Қайрат Рысқұлбеков атындағы орта мектептің жанынан ашылмақ. Осы мақсатта әкімдіктің резиденциясы білім бөліміне берілді.

- Ғимарат біздің ауданда интернат үшін барлық санитарлық нормалар бойынша қолайлы жалғыз ғимарат болып табылады. Жалпы ауданы - 280 шаршы метр, ғимарат толығымен қоршалған, бұл қосымша қауіпсіздік шараларын қамтамасыз етеді, - дейді аудан әкімі Шалқар Байбеков.

Бұрын бұл резиденция ауданға келген қонақтарды қарсы алу үшін пайдаланылған. Бірақ соңғы 9 айда барлық кездесулер жұмыс тәртібінде әкімдік ғимаратында жеке кабинеттерде өткізілген.

- Жалпы білім беретін мектеп жанынан интернат ашу, тиісті білім беретін мектептері жоқ және халық саны аз елді мекендерде тұратын оқушылардың жалпы орта білім алуын қамтамасыз етеді. Мектеп-интернатты материалдық-техникалық қамтамасыз ету, жағдай жасау, жарақтандыру мен жабдықтауды балалардың жеке қажеттіліктерін ескере отырып, жергілікті атқарушы органдар жүзеге асырады, - деді аудан басшысы.

Интернатта тұру және тамақтану бойынша барлық шығындар мемлекет есебінен болады екен.