Өскеменде Абайдың 175 жылдық мерейтойына арналған поэзия кеші өтеді, деп хабарлайды Алтайньюс тілшісі.

Әлбетте, шектеу шараларына байланысты онлайн түрде, Zoom платформасында өтеді. Кешті «Оқушылар шығармашылық сарайы» ұйымдастырмақ. Өнерпаздар – ақын шығармаларын жатқа оқитын 5-10 сынып оқушылары.

– Қатысушылар бүгін 17.00-де Zoom-ға кіріп, өнер көрсетеді. Қазақ және орыс тілді екі жүргізуші болады. Кеш 40 минутқа созылады, –дейді әдістемелік бөлімінің меңгерушісі Регина Сембаева.

Айта кетейік, ұлы ойшылдың туындыларын оқып, ғибратты әңгіме өрбітетін өнерпаздар – №26, №30, №46 мекептердің, №44 лицей мен Меновное орта мектебінің оқушылары. Барлығы 20 оқушы қатысады.