Глубокое ауданының тас жолынан ауыр халде жатқан ер адам табылды, деп хабарлайды Altaynews тілшісі.

Оқиға 16 желтоқсанда болған.

Нақтырақ айтқанда, ер адам Верхнеберезовский кенті мен Предгорное ауылының арасындағы тас жолдан табылған.

- Ер адамды көлік қағып кеткенге ұқсайды. Ол дереу орталық аудандық ауруханаға жеткізілді. Қазіргі уақытта көлік әлі де анықталуда. Өйткені жүргізуші оқиға орнынан ізін суытқан. Сотқа дейінгі тергеу амалдары жүріп жатыр, - деп мәлімдеді полиция департаментінің баспасөз қызметі.

Бүгін таңғы уақытта зардап шеккен ер адам есін жимастан көз жұмған.

Полиция департаменті осы оқиғаға куә болғандарды іздестіруде.