Өскеменде бірнеше күн өртенген қоқыс полигоны толықтай сөндіріліп бітті, деп хабарлайды Алтайньюс тілшісі. Бұл туралы қалалық төтенше жағдайлар басқармасы мәлімдеді.

Басқарма мәліметінше, өрт кеше сағат 22:44-те сөндірілген. Оған 30 техника, 90 құтқарушы және коммуналдық қызметкерлер жұмылдырылған.

Өрт 1 гектар аумақты алыпты. Қазір ол жер әлі де құтқарушылар мен жергілікті атқарушы билік өкілдерінің бақылауында.