Алматы мен Астананың ақша айырбастау пункттерінде Ресей валютасының теңгеге шаққандағы бағамы төмендеді.

Алматыдағы ақша айырбастау орындарында көрші ел валютасы 4,87-5 теңге аралығында сатылып жатыр, деп хабарлайды Altaynews тілшісі Қазақпаратқа сілтеме жасап.

Ал Астанада 4,93-5,03 теңге аралығында құбылып тұр.

Еліміздегі үшінші мегаполис Шымкентте Ресей рублінің құны – 4,90 -4,97 аралығында.

5 шілдедегі кешкі сауда қорытындысы бойынша, Ресей валютасының орташа бағамы 4,92 теңге болған.

Ұлттық банктің 10 шілдедегі ресми бағамы – 1 рубль 4,90 теңге.

Айта кетейік, маусым айының соңындағы Ресейдегі жағдайға байланысты Қазақстанның ақша айырбастау орындарында ресейлік валюта бағамы тұрақсыз болып тұр.