Өскемендегі «Ана мен бала орталығы» ғимаратының маңында егеуқұйрықтар өріп жүр.

Бейнежазба әлеуметтік желіде қызу талқыға түсіп жатыр, деп хабарлайды Altaynews тілшісі.

Қала тұрғындарының наразылығында шек жоқ, бәрі де желіде дабыл қағуда. «Егеуқұйрықтар өте қауіпті, өйткені олар неше түрлі инфекция тасымалдайды. Бұл маңдағы балалар кез келген уақытта ауру жұқтырып алуы мүмкін» деп жазды олардың бірі. Енді бірі егеуқұйрықтардың тез көбейетінін айтып, шұғыл шара қабылдауға шақырды.

Ал қаланың санитариялық-эпидемиологиялық бақылау басқармасы дератизациялық жұмыстарды жүргізу бойынша арнайы ұйыммен келісімшарт жасалғанын алға тартты.

Өскемен қалалық санитариялық-эпидемиологиялық бақылау басқармасының мекенжайы: 30-шы гвардиялық дивизия, 22. Жұмыс телефоны: 8(7232)-54-05-30