Ғарыштық мониторинг еліміздегі ауыл шаруашылығына пайдаланылатын жайылым алқаптарының 40 пайызы нашар екенін көрсетті.

Бұл туралы Аэроғарыш комитетінің төрағасы Баубек Оралмағамбетов айтты, деп хабарлайды Altaynews.kz сайты.

«Былтыр көктемде Қазақстанның 60 ауданы бойынша жайылым алқаптарының 26,2%-ы өте нашар және 33,4%-ы нашар жағдайда екені анықталды», – деді ол.

Ал биыл көктемде жүргізілген мониторинг қорытындысы бойынша 40% жайылым жердің жағдайы өте нашар екені белгілі болды. 4 млн гектар жайылым жер қатты деңгейде деградацияланған, өсімдіктердің орташа өнімділігі – гектарына 4,6 центнер.