Шығыс Қазақстан облысының екі тұрғыны ұсақ мал ұрлады деген күдікпен ұсталды, деп хабарлайды Altaynews тілшісі Polisia.kz-ке сілтеме жасап.

Жәбірленуші полицейлерге белгісіз адам қоршалған қашаға кіріп, қошқар ұрлап кеткенін айтқан. Жедел іздестіру іс-шараларын жүргізу барысында тәртіп сақшылары 32 және 31 жастағы екі күдіктіні ұстады. Жауап алу кезінде ұсталғандар өз кінәсін мойындады. Ұрланған мал иесіне қайтарылды. 

Аталған дерекке қатысты ҚР ҚК-нің 188-1-бабы 3-бөлігімен (Мал ұрлау) қылмыстық іс қозғалды. Қазіргі уақытта ұсталғандарға қатысты келуге міндеттеу түріндегі процестік мәжбүрлеу шарасы таңдалды. Күдіктілерді мүліктерін тәркілеумен бес жылдан он жылға дейінгі мерзімге бас бостандығынан айыру жазасы күтіп тұр.