ШҚО ХҚО мамандары экологиялық куәлікті алу немесе қалпына келтіру жолдарын еске салды.

Семей полигонындағы ядролық сынақтардың нәтижесінде зардап шеккендер экологиялық куәлікті онлайн ресімдеп, қалпына келтіре алады, бұл үшін ХҚКО-ға барудың қажеті жоқ, деп хабарлайды Altaynews тілшісі.

Қызметке онлайн тапсырыс беру үшін egov.kz электронды үкімет порталына кіру қажет. Содан кейін порталдың басты бетінде "Әлеуметтік қамсыздандыру" бөлімін, "Отбасыларға көмек" тармағынан "Семей ядролық сынақ полигонында ядролық сынақтардың салдарынан зардап шеккен азаматтарды тіркеу, біржолғы мемлекеттік ақшалай өтемақы төлеу, куәліктер беру" қызметін таңдау керек. Содан кейін сіз сұралған деректерді толтырып, сұрауға ЭЦҚ-мен өтінішті жібересіз. Өтінім тіркелген күннен бастап 20 жұмыс күні ішінде қаралатын болады. Хабарлама қызмет алушының жеке кабинетінде сақталады. Куәлікті немесе куәліктің телнұсқасын тұрғылықты жері бойынша ХҚО-дан алуға болады.

Сонымен қатар экологиялық өтемақы алу үшін азаматтар eGov.kz портал арқылы онлайн өтініш бере алады. Бұл үшін экологиялық куәлік пен Халық банкіндегі шоттың деректемелері қажет болады.

Айта кетейік, жыл басынан бері облыс бойынша 766 экологиялық куәлік берілді.