Синоптиктер келер жылы көктем мезгілінің қандай болатынын болжап отыр, деп хабарлайды Алтайньюс тілшісі.

Мамандардың айтуынша, көктем осы жолы уақытында келеді. Наурыз айында аралас жауын-шашын болмақ. Жаңбыр қарға ұласып, қар жаңбырға ауысып отырады. Ауа температурасы да ауыспалы болады екен.

Жалпы алғанда, 2019 жылдың көктемінде температура нормадан жоғарылап, жауын-шашын көп түседі деп болжайды синоптиктер. Бұл әсіресе еліміздің оңтүстік-батыс және оңтүстік-шығыс бөліктеріне қатысты.

Сондай-ақ, синоптик мамандар маусымдық ауа райы болжамының ықтималдығы 55-60 % ғана екенін ескертіп отыр. Мезгіл жақындағанда болжам нақтыланатын болады.