Катонқарағай ауданында ауыл шаруашылығы қызметкерлері күні аталып өтті. Бұл күні аталмыш саланың дамуына сүбелі үлес қосып жүрген кәсіпкерлер марапатталды.

Мерекелік шарада аудан әкімі Ахметқали Нұрғожин «Әмір» шаруа қожалығының басшысы Шоқан Мұсабалинге Ауыл шаруашылығы министрлігінің Құрмет грамотасын табыстады. Ал «Селигер» шаруа қожалығының жетекшісі Дмитрий Веригин «Ауыл шаруашылығы саласының үздігі» төсбелгісімен марапатталды.

– Биыл аудандағы ауылшаруашылық құрылымдарына 350 миллион теңгеден астам қаржы бөлінген. Сондай-ақ нәтижелі жұмыспен қамту және жаппай кәсіпкерлікті дамыту бағдарламасы бойынша 153 миллион теңге қарастырылды, - дейді Ахметқали Нұрғожин.