Семейдегі халыққа қызмет көрсету орталықтарында тұрғындардың өз-өзіне қызмет жасау секторлары ашылды. Мұнда адамдар сандық-электрондық жүйе арқылы қажетті ақпараттарды алу мүмкіндігіне ие, деп хабарлайды Аltaynews.kz тілшісі.
Ең тиімдісі сол, олар бұл қызметтерді үйден шықпай-ақ ғаламтор арқылы орындай алады.
№1 ХҚО бөлімінің бастығы Гүлнәр Идришеваның айтуынша, соңғы екі айда олардың арнайы секторларында 400-ге жуық кеңес берілген. Семейліктерге 200-дей электрондық қызмет үлгісі көрсетіліп, 250-дей сандық-электрондық жүйе арқылы өз-өзіне қызмет жасау үлгісі үйретілген.
Нәтижесінде жұрттың басым көпшілігін жылжымайтын мүлік, тіркеуге тұру, зейнетақылық аударым жөнінде ақпараттар алу бойынша сұрақтар жиі мазалайтыны анықталған.