Катонқарағай ауданындағы Ново-Березовка орта мектебі 2 миллион теңгенің дене шынықтыруға арналған спорттық құрыл-жабдықтарымен жабдықталды, деп хабарлайды Altaynews.kz тілшісі.
Білім ошағында салауатты өмір салтына аса көңіл бөлінеді. Биылғы оқу жылында 4 спорттық жаттықтыру құрылғылары, яғни жүгіру жолағы, баскетбол қорғаны, веложаттықтырушы, күшжаттықтырғыш, элипс, күш кешені алынды.
Білім ордасында спорт залы, шағын футбол алаңы,күрес залы,хоккей қорапшасы жұмыс істейді. Оқушылар сабақтан тыс уақытта жазда футбол, волейбол ойнаса, қыста шаңғы теуіп, хоккей ойнайды. Қуанарлық жайт, бұл жерде мектеп оқушыларынан басқа ауыл жастары да кеш бетінде спортпен шұғылдана алады.