Канадалық Суреш Жоаким теледидарды 72 сағат бойы үзбей қарап, рекорд жасады. Ол әлем жұртшылығын осымен екiншi рет таңғалдырып отыр.
Үш тәулiк, яғни, 72 сағат iшiнде Жо-аким «24 сағат» телесериалының үш маусымын бiр мезгiлде тамашалапты. Теледидардан көз алмай отырып, 30 саптаяқ кофе iшкен. Канадалық азамат «Гиннестiң рекордтар кiтабына» мұның алдында да енiптi. Ол кезде теледидарды 70 сағат бойы үзбей қараған болатын.
Бұған қоса, былтырғы қазан айында Клаудиа Вавра есiмдi немiс қызымен бiрге қатарынан 57 кино қарап, «әлемнiң ең үздiк киноқұмары» атанды.